18/04/2017
DEPUTACIÓN PROVINCIAL
BASES DA CONVOCATORIA DE DÚAS BOLSAS DE
MESTRAS OU MESTRES CANTEIROS PARA A ESCOLA DE CANTERÍA DA DEPUTACIÓN DE
PONTEVEDRA, 2017
Con
fundamento no artigo 34.2 da Lei 7/1985, de 2 de abril, reguladora das bases do
réxime local e de conformidade coa proposta da directora da Escola de
Canteiros, o Deputado Delegado en materia de Recursos Humanos por Resolución
Presidencial nº2017006761 de data 11 de abril de 2017, acorda aprobar a
convocatoria de dúas bolsas de mestras ou mestres canteiros para a Escola de
Cantería da Deputación de Pontevedra, segundo as seguintes
BASES
Primeira.
Obxecto
Estas
bases regulan o procedemento a seguir para a concesión de dúas bolsas de mestras
ou mestres canteiros, coa finalidade de completar a formación recibida na
Escola.
Segunda.
Condicións das persoas aspirantes
Poderán
beneficiarse destas bolsas as persoas físicas que, tendo plena capacidade de
obrar e non estando inhabilitadas para a obtención de axudas e subvencións
públicas, reúnan os seguintes requisitos:
a)
Ter a nacionalidade española ou dalgún dos países membros da Unión Europea
b)
Estar en posesión do título de mestra ou mestre canteiro na data en que remate
o prazo de presentación de solicitudes
c)
Non ter os 35 anos de idade na data na que remate o prazo de presentación de
solicitudes
d)
Non estar incapacitada ou incapacitado fisicamente nin padecer ningunha
enfermidade que poida impedir o desenvolvemento da actividade obxecto da bolsa
e)
Non beneficiarse anteriormente dunha bolsa remunerada de duración superior a
seis meses na Deputación de Pontevedra nin nos extintos organismos autónomos
dependentes desta institución
f)
Non ter experiencia laboral previa na profesión ou área de coñecementos,
entendendo por tal que non tivese un contrato polo grupo de cotización
correspondente ao nivel formativo da titulación esixida nin estivese de alta
como autónoma ou autónomo por un período de tempo superior a seis meses
g)
Estar inscrita ou inscrito nalgunha oficina do Servizo Público de Emprego de
Galicia como demandante ou en mellora de emprego
h)
Non incorrer nalgunha das prohibicións sinaladas no artigo 13 da Lei 38/2003,
de 17 de novembro, xeral de subvencións
No hay comentarios:
Publicar un comentario