BOPPO PONTEVEDRA 03/04/2017

BOPPO PONTEVEDRA 

03/04/2017

CONCELLO DE PONTEVEDRA

EXPOSICIÓN PÚBLICA RPT 2017 TRAS APROBACIÓN INICIAL XGL

EXPOSICIÓN PÚBLICA DO EXPEDIENTE DE MODIFICACIÓN DA RELACIÓN DE POSTOS DE TRABALLO DO CONCELLO DE PONTEVEDRA E OS SEUS ORGANISMOS AUTÓNOMOS PARA O ANO 2017

A Xunta de Goberno Local, na sesión do 28/03/2017, aprobou inicialmente a modificación da Relación de Postos de Traballo (RPT) do Concello de Pontevedra e dos seus organismos autónomos, quedando da forma que se indica no Anexo I do devandito acordo.

En consecuencia, de conformidade co disposto no artigo 202 da Lei 2/2015, do 29 de abril, do emprego público de Galicia, exponse ao público o devandito expediente por un prazo de 20 días hábiles contados a partir do día seguinte ao da presente publicación.

Deste xeito, o expediente completo permanecerá a disposición dos interesados para que o podan consultar no Servizo de Persoal deste Concello, e formular as alegacións que teñan por convenientes, no devandito prazo.

Advírtese expresamente que, de non presentarse alegacións en prazo e segundo o previsto pola lexislación anterior, o acordo de aprobación inicial entenderase elevado a definitivo, entrando en vigor a modificación nos termos expostos no punto quinto do acordo de aprobación pola Xunta de Goberno Local.

CONCELLO DE ARBO

APROBACIÓN PREZOS PÚBLICO COMIDA OFICIAL FESTA DA LAMPREA 2017 ORGANIZADA POLO CONCELLO DE ARBO

Por acordo da Xunta de Goberno Local adoptado, por delegación do Plenario, en sesión ordinaria celebrada o día 27.03.17, aprobouse o prezo público da comida oficial da Festa da Lamprea do ano 2017, polo que en cumprimento do disposto nos artigos 41 e 127 do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora das Facendas Locais, procédese a súa publicación para facelo público:

“PREZO PÚBLICO COMIDA OFICIAL FESTA DA LAMPREA 2017”

Artigo 1.- Natureza e fundamento xurídico

De conformidade co previsto nos artigos 127 e 41 do Real Decreto Lexislativo 2/2004 polo que se aproba o Texto Refundido da Lei Reguladora das Facendas Locais, este Concello establece o prezo público pola prestación por parte do Concello de Arbo da actividade de comida oficial a celebrar o día 29 de abril de 2017 no marco da celebración da Festa da Lamprea deste ano 2017.

Artigo 2.- Obrigados ao pagamento

Están obrigados ao pagamento do prezo público regulado neste acordo os que se beneficien a través da participación como comensais na comida oficial organizada polo Concello á que se refire o artigo anterior, e pola que deban satisfacer este.

Tratándose de menores de idade estarán obrigados ao pagamento do prezo público os/as pais/nais, titores/as ou responsables legais ou de feito dos/das nenos/as que participen como comensais nesta comida oficial.

Artigo 3.- Contía

O prezo por comensal fíxase en 45 € (IVE incluído).