24/01/2017
DEPUTACIÓN
PROVINCIAL
BASES DA CONVOCATORIA DE 15 BOLSAS DE PRÁCTICA LABORAL DE MESTRAS E MESTRES
COMPOSTEIROS CON DESTINO AO PLAN COMPOST REVITALIZA DA DEPUTACIÓN DE PONTEVEDRA
Con fundamento no artigo
35.2.b da Lei 7/1985, de 2 de abril, reguladora das bases de réxime local, a
Xunta de Goberno da Deputación de Pontevedra acordou aprobar a convocatoria de
15 bolsas de práctica laboral para mestras e mestres composteiros na
institución provincial, que se rexerán segundo as seguintes BASES Primeira.
Obxecto
Estas bases teñen por
obxecto regular a convocatoria, en réxime de concorrencia competitiva e de
acordo cos principios de obxectividade e publicidade, de 15 bolsas de práctica
laboral destinadas a persoas en situación de demanda de emprego ou de mellora de
emprego coa finalidade de completar a súa formación na área da xestión dos
residuos orgánicos de orixe doméstica de cara á súa incorporación ao mercado
laboral como mestras e mestres composteiros.
Entre todos os
concorrentes seleccionaranse a 20 aspirantes, que deberán realizar un curso
teórico-práctico impartido por persoal especializado na materia, cunha duración
de 4 semanas, co obxecto de formalos como mestras e mestres composteiros, de
xeito que finalmente 15 deles resulten elixidos para exercer como asesores e
animadores deste método de tratamento da materia orgánica de orixe domiciliaria
naqueles concellos da provincia de Pontevedra que participen no “Plan Compost
Revitaliza” posto en marcha desde a Deputación de Pontevedra.
CONCELLO DE
No hay comentarios:
Publicar un comentario