BOPPO PONTEVEDRA 10/01/2017

BOPPO PONTEVEDRA 

10/01/2017

CONCELLO DE  PONTEVEDRA

MODIFICACIÓN DO DECRETO DO ALCALDE DE 13 DE XUÑO DE 2015 FIXANDO AS ÁREAS DE GOBERNO, CONCELLEIROS RESPONSABLES DAS DISTINTAS ÁREAS E DELEGACIÓNS ESPECIAIS

MODIFICACIÓN DO DECRETO DO ALCALDE DE 13 DE XUÑO DE 2015 FIXANDO AS ÁREAS DE GOBERNO, CONCELLEIROS RESPONSABLES DAS DISTINTAS ÁREAS E DELEGACIÓNS ESPECIAIS

Vistos os artigos 124 da Lei 7/1985, reguladora de bases de réxime local, artigo 61.3 da Lei 5/1997, de administración local de Galicia, artigos 43 a 45 e 114 a 118 do Regulamento de organización, funcionamento e réxime xurídico de Entidades Locais, así como os artigos 8 e ss. e 26 e ss. do Regulamento orgánico do goberno e da administración do Concello de Pontevedra relativos ó réxime xurídico das delegacións, fixación das áreas de goberno, concelleiros de goberno e delegados , esta Alcaldía, en exercicio das atribucións que lle confiren os citados artigos, DECRETA:

Primeiro.- Como consecuencia da disolución do Organismo autónomo local Instituto Municipal de Deportes de Pontevedra procede modificar o decreto do alcalde de data 13 de xuño de 2015, modificado en data 22 de xuño e 24 de outubro de 2016 e coa corrección de erros de data 30 de decembro de 2016 de forma que se elimina a letra d) da delegación na ÁREA DE DEPORTES, CULTURA E DINAMIZACIÓN SOCIOCULTURAL en Dona María dos Anxos Riveiro Portela deixando sen efecto a delegación da presidencia do organismo autónomo Instituto Municipal de Deportes deixando as restantes delegacións á amentada concelleira como se indican no decreto que se modifica.

Segundo- Notifíquese a presente resolución, persoalmente a concelleira afectada, déase conta da mesma ó Pleno da Corporación na primeira sesión que celebre e publíquese no Boletín Oficial da Provincia.

Así o decreta e ordena o Excmo. Sr. Alcalde, o 2 de xaneiro de 2017, ante o Secretario da Administración Municipal que da fe do acto.

CONCELLO DE  CUNTIS

APROBACIÓN DEFINITIVA DO ORZAMENTO PARA O EXERCICIO 2017 E CADRO DE PERSOAL E D I C T O

Aprobado inicialmente polo Pleno deste Concello, segundo acordo adoptado en sesión ordinaria de data 01/12/2016, o presuposto municipal para o exercicio de 2017, estando en exposición pública por un período de quince días sen que se teñan producido reclamacións, o presuposto considérase aprobado definitivamente.

A efectos da súa entrada en vigor, en cumprimento do disposto no artigo 169.3 do Real Decreto Lexislativo 2/2004, do 5 de marzo, polo que se aproba o texto refundido da Lei reguladora das facendas locais, faise público que dito presuposto ascende, tanto en gastos como en ingresos, á cantidade de TRES MILLONS NOVE MIL OITOCENTOS VITECINCO CON CINCUENTA E TRES (3.009.825,53) euros, de acordo co seguinte resumo por Capítulos:

CONCELLO DE  OIA

APROBACIÓN INICIAL DE ORZAMENTO MUNICIPAL 2017

Aprobado inicialmente, en sesión plenaria extraordinaria de 30 de decembro de 2016, o orzamento municipal para o ano 2017, xunto coas bases de execución do mesmo, e a plantilla e cadro do personal do concello de Oia, en cumprimento do disposto no artigo 169 do T.R.2/2004 da Lei reguladora de Facendas Locais, expónse ao público, por prazo de 15 días, contados desde o seguinte ó da publicación do presente edicto no BOP, durante o cales, os interesados poderán examinalos e presentar reclamacións ante o Pleno da Corporación.

Dacordo co disposto no artigo 169.1 do T.R.2/2004 da Lei reguladora de facendas Locais, e tal e como se recolle expresamente no acordo de aprobación inicial, de non presentarse reclamacións en prazo, se elevará a definitivo o acordo inicial, debendo publicarse, resumido por capítulos no BOP, para a súa entrada en vigor.