13/12/2016
CONCELLO DE BUEU
NOMEAMENTO DO XEFE DE NEGOCIADO DO DEPARTAMENTO DE INTERVENCIÓN
ASUNTO: Nomeamento de
Araceli C. Pérez Morán DNI num. 34248294Y para ocupar con carácter definitivo o
posto de Xefe de Negociado do Departamento de Intervención do Concello de Bueu,
mediante Resolución adoptada polo Alcalde-Presidente do Concello de Bueu (num.
306-2016) con data 12.05.2016, en base ós antecedentes que constan neste
procedemento, a normativa de aplicación, e no exercizo das atribucións recoñecidas
no artigo 21.1.r da LBRL.
RESOLVEUSE:
1º Nomear a Araceli C.
Pérez Morán, DNI num. 34248294Y, funcionaria de carreira do Concello de Bueu
(Pontevedra), integrada no Grupo C, Subgrupo C1 e Escala de Administración
Xeral, para ocupar, con carácter definitivo, o posto de Xefe de Negociado do Departamento
de Intervención do Concello de Bueu.
As características do
posto de traballo que se prové de forma definitiva son as seguintes:
— Denominación do
posto: Xefe de Negociado do Departamento de Intervención
— Código Catálogo:
Non consta
— Administración:
Concello de Bueu
— Dependencia
Xerárquica: Área de Facenda Municipal (Resolución de Alcaldía num. 582/2015 de
17.06.2015 (BOP 121 de 26.06.2015)
— Departamento:
Intervención
— Subgrupo: C1
Escala de Administración Xeral
— Titulación:
Bacharel Superior ou equivalente
— Nivel de
complemento de Destino: 19
Funcións: As tarefas e
funcións propias do posto son as legalmente previstas para o departamento no
que se integra. Especialmente colaborará no desenvolvemento das funcións
propias do Interventor Xeral, nos supostos de vacante ou cobertura accidental
ou provisional deste posto, previa autorización no seu caso, da Dirección Xeral
de Administración Local da Xunta de Galicia.
As tarefas enunciadas
que resultan do catálogo de postos de traballo do Concello, non teñen carácter
taxativo, toda vez que cada posto desenvolverá todas aquelas similares ás
descritas no eido das funcións propias da súa subescala e segundo as
posibilidades da organización e as necesidades do servizo:
— Dedicación: Sen
especificar
— Xornada:
Ordinaria (Art. 22 acordo regulador das condicións de emprego do persoal
funcionario ó servizo do Concello de Bueu)
— Complemento
Específico anual: 8.477,35€ brutos (14 mensualidades) más as adecuacións
previstas nas Leis de Presupostos Xerais do Estado que, no seu caso
correspondan.
2º Diferir o cese por
necesidades do servizo, consistentes na esixencia de garantir o normal
funcionamento dos servizos administrativos que se prestan no departamento de
Secretaría, da funcionaria nomeada no posto de traballo que ocupa na
actualidade de Xefe de Negociado do Departamento de Secretaría do Concello de
Bueu, por necesidades do servizo, que deberá producirse o 20 día hábil seguinte
ó da publicación do anuncio de nomeamento no Boletìn Oficial da Provincia.
3º Notificar a presente
resolución ó persoal nomeado , coa advertencia que deberá tomar posesión e
incorporarse no prazo de tres días hábiles, contado a partir do día seguinte ó
do cese, que deberá efectuarse no vixésimo día seguinte ó da publicación do
corespondente anuncio no Boletín Oficial da Provincia de Pontevedra
O cómputo do prazo
posesorio iniciarase cando finalicen os permisos ou licenzas que no seu caso
teñan sido concedidos ó interesado.
4º Ordear a publicación
do correspondente anuncio de nomeamento no B.O.P. e de forma complementaria no
Taboleiro de anuncios do Concello e no enlace correspondente ó emprego público
da web do Concello de Bueu, e a práctica das notificacións individualizadas ós
membros titulares e suplentes, da comisión de valoración.
5º Notificar a presente
resolución ó rexistro de persoal do servizo administrativo de persoal do
Departamento de Intervención, para o seu coñecemento e para os efectos de que
se adopten as medidas oportunas en orde ó seu cumprimento e efectividade, así
como ó Departamento de Secretaría e ó Concelleiro Delegado da área de xestión
de Facenda Local, modernización da administración local e réxime interior.Documento
asinado electronicamente á marxe.
CONCELLO DE MOS
APROBACIÓN INICIAL PRESUPUESTO 2017
Polo Pleno deste
Concello, en sesión de 28.11.2016, aprobouse inicialmente o Orzamento Xeral
deste Concello para o exercicio 2017.
Xa que logo, de
conformidade co previsto polo art. 169 do R.D.. Lexislativo 2/2004 polo que se
aproba o Texto Refundido da Lei de Facendas Locais, e segundo os arts. 90 e
seguintes da Lei 7/1985 de Bases de Réxime Local, expóñense ao público os
devanditos expedientes por un prazo de 15 días hábiles contados a partir do
seguinte ao desta publicación.
Deste xeito, os expedientes completos permanecerán a disposición dos
interesados para que os poidan consultar na Secretaría Xeral da Corporación, e
formular as alegacións que teñan por convintes, no devandito prazo. Advírtese
expresamente que, de non presentarse alegacións en prazo e segundo o previsto
pola lexislación anteriormente referida, o acordo da aprobación inicial
entenderase elevado a aprobación definitiva, entrando en vigor o sinalado
Orzamento Xeral, logo da súa publicación no B.O.P. na forma legalmente
establecida.
No hay comentarios:
Publicar un comentario