BOLETINES 01/12/2016

BOPPO PONTEVEDRA 

01/12/2016

DEPUTACIÓN PROVINCIAL

PROCESO SELECTIVO CONVOCADO PARA NOMEAMENTO INTERINO POR EXECUCIÓN DE PROGRAMAS DE CARÁCTER TEMPORAL DUN/HA ARQUEÓLOGO/A DE CAMPO

No Boletín oficial da provincial nº 117, de data 22 de xuño de 2015 publicouse a convocatoria para nomeamento interino dun arqueólogo/a de campo destinado á execución de programa de carácter temporal de aproveitamento turístico dos xacementos galaico-romanos da provincia de Pontevedra.

Finalizado este proceso selectivo a aspirante Dona Tania Fábrega García interpuxo recurso contencioso-administrativo contra a Resolución Presidencial pola que se desestimaba o recurso de alzada presentado contra o acordo do tribunal cualificador e a Resolución Presidencial de nomeamento de D. Diego Piay Augusto como funcionario interino.

Mediante sentencia do Xulgado do Contencioso-administrativo nº 1 de Pontevedra de data 10 de outubro de 2016, “estimase o recurso Contencioso-Administrativo, tramitado a instancia de DONA TANIA FÁBREGA GARCÍA, anulando ás resolucións recorridas, e declarando que, con retroacción das actuacións proceda a Administración a ditar Resolución cos resultados da proba práctica de todos os aspirantes que a realizaron, e proceda a ditar Resolución coas puntuacións definitivas dos aspirantes no concurso, procedendo ó nomeamento de quen corresponda”.

Dando cumprimento ó disposto na referida sentenza, por Resolución Presidencia de data 22 de novembro de 2016 acordase:

“1º.—Retrotraer as actuacións do proceso selectivo convocado para nomeamento interino dun arqueólogo de campo para execución do programa de carácter temporal de “aproveitamento turístico dos xacementos galaico – romanos da provincia de Pontevedra” ó momento en que ten lugar a constitución do tribunal cualificador para a valoración dos méritos achegados polos aspirantes admitidos.

2º.—Determinar como data de constitución do tribunal cualificador o próximo día quince de decembro de 2016, ás 13:00 horas no Pazo Provincial, sala de xuntas da planta baixa.

3º.—Determinar como data de celebración da proba práctica o próximo día dez de xaneiro de 2017, ás 9:00 horas no Pazo Provincial, sala de Xuntas da planta baixa. Tal e como sinala a base novena da convocatoria esta proba consiste en expoñer oralmente ante o tribunal a forma na que desenvolverá, dende o punto de vista do posto convocado, a execución deste proxecto de aproveitamento turístico dos xacementos galaico-romanos da provincia de Pontevedra; e será valorada de 0 a 5 puntos. Para a realización desta proba os aspirantes disporán dun tempo máximo de 10 minutos.

4º.—Publicar esta Resolución no Taboleiro de anuncios e páxina web da Deputación e notificala a todas as persoas admitidas neste proceso selectivo”.

CONCELLO DE  CANGAS

CONVOCATORIA PROCESO DE SELECCIÓN PARA A CONFECCIÓN DUNHA LISTA DE AGARDA PARA A CONTRATACIÓN TEMPORAL DE PEÓNS DE LIMPEZA DE EDIFICIOS PÚBLICOS

A Xunta de Goberno Local do Concello de Cangas en sesión de data 14/11/2016 aprobou a convocatoria e as bases do proceso selectivo para a confección dun listado de contratacións ou lista de agarda para a cobertura das necesidades de contratación temporais de peóns de limpeza de edificios públicos polo sistema de oposición libre.

O período de presentación de instancias será de dez días hábiles a contar dende o seguinte ao do publicación do presente anuncio, tempo no que as bases estarán expostas ao público no Taboleiro Municipal e na páxina web do Concello www.cangas.gal.

CONCELLO DE  MEAÑO

CONVOCATORIA DE PROBAS SELECTIVAS PARA CUBRIR EN RÉXIME DE INTERINIDADE UNHA PRAZA DE AUXILIAR ADMINISTRATIVO PARA REXISTRO E PADRÓN MUNICIPAL DE HABITANTES.

ANUNCIO

Aprobadas pola Xunta de Goberno Local, en sesión extraordinaria de data 14 de novembro de 2016, as seguintes Bases de selección para a provisión dunha praza de auxiliar administrativo para rexistro e padrón municipal de habitantes, en réxime de interinidade, fanse públicas as bases e a convocatoria:

“BASES REGULADORAS DA CONVOCATORIA DE PROBAS SELECTIVAS
PARA CUBRIR EN RÉXIME DE INTERINIDADE UNHA PRAZA DE AUXILIAR ADMINISTRATIVO PARA REXISTRO E PADRÓN MUNICIPAL DE HABITANTES

CONCELLO DE  MONDARIZ

APROBACIÓN DEFINITIVA REGULAMENTO DE REXISTRO ELECTRÓNICO

Ao non presentarse reclamacións durante o prazo de exposición ao público , queda automáticamente elevado a definitivo o acordo plenario inicial aprobatorio do Regulamento de Rexistro electrónico cuxo texto íntegro faise público para xeral coñecemento e en cumprimento do disposto no artigo 70.2 da Lei Reguladora de Bases de Réxime Local.

CONCELLO DE  REDONDELA

BASES BOLSA DE EMPREGO TÉCNICO/A DE XESTIÓN

BASES PARA A CONSTITUCIÓN DUNHA BOLSA DE TRABALLO DE TÉCNICO/A DE XESTIÓN PARA POSIBLES COBERTURAS PUNTUAIS DE POSTOS EN CASO DE URXENTE NECESIDADE

PRIMEIRA.—OBXECTO DA CONVOCATORIA:

A praza a cubrir de forma interina é a de Técnico/a de xestión, pertencente ao grupo A, subgrupo A2 da función pública, dotada coas retribucións básicas correspondentes ao seu grupo de titulación e as complementarias asignadas na relación de postos de traballo. A dita praza atópase adscrita ao departamento de Intervencion-Tesouraria e pertence ao cadro de persoal funcionario do Concello de Redondela coas funcións expresadas na relación de postos de traballo deste Concello. A presente convocatoria realízase de acordo co artigo 10, do Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público (EBEP) e artigo 23, da Lei 2/2015, do 29 de abril, do Emprego Público de Galicia (LEG). Co resultado desta selección configurarase unha bolsa de traballo que se utilizará para o suposto de baixa laboral da persoa titular da praza e tamén no caso de que se dea algún outro suposto legal para a cobertura do posto con carácter interino.

BOE                                 

01/12/2016

MINISTERIO DE ECONOMÍA, INDUSTRIA Y COMPETITIVIDAD Destinos

Resolución de 16 de noviembre de 2016, de la Presidencia de la Agencia Estatal Consejo Superior de Investigaciones Científicas, por la que se resuelve el concurso específico, convocado por Resolución de 1 de septiembre de 2016. PDF (BOE-A-2016-11360 - 9 págs. - 300 KB)  Otros formatos

MINISTERIO DE SANIDAD, SERVICIOS SOCIALES E IGUALDAD Funcionarios de los Subgrupos A1, A2, C1, C2 y Grupo E

Resolución de 17 de noviembre de 2016, de la Subsecretaría, por la que se convoca concurso general para la provisión de puestos de trabajo en el Instituto de la Juventud. PDF (BOE-A-2016-11385 - 23 págs. - 462 KB) Otros formatos

DOG                              

01/12/2016

DEPUTACIÓN PROVINCIAL DE OURENSE

ANUNCIO das bases para cubrir as prazas da oferta ordinaria de emprego público do ano 2015.

No BOP de Ourense do 20 de outubro de 2016 publicáronse íntegras as bases para cubrir as prazas da oferta ordinaria de emprego público do ano 2015.

As prazas que se convocan son as seguintes:

I. Oferta ordinaria de emprego público 2015.

A) Cadro de persoal.

Inclúense as seguintes prazas funcionariais de acceso libre:

– Unha (1) praza de administrativo de Administración xeral, subgrupo C1, escala de Administración xeral, subescala administrativa. Oposición libre. Título de bacharelato, técnico especialista en formación profesional ou equivalente. Certificado de perfeccionamento en lingua galega ou Celga 4.

– Unha (1) praza de enxeñeiro técnico de obras públicas, subgrupo A2, escala de Administración especial, subescala técnica, clase técnico medio. Oposición libre. Título universitario de grao nalgunha das ramas de Enxeñaría Civil, Enxeñaría de Camiños, Canais e Portos, ou Enxeñaría técnica de Obras Públicas, ou equivalente. Certificado de perfeccionamento en lingua galega ou Celga 4.

– Unha (1) praza de técnico superior en prevención de riscos laborais, subgrupo A1, escala de Administración especial, subescala de servizos especiais, clase prazas de funcións especiais. Oposición libre. Título universitario de grao nalgunha das ramas de Enxeñaría ou Arquitectura, ademais dun máster de Técnico Superior en Prevención de Riscos Laborais (coas especialidades de Seguridade no Traballo, Hixiene Industrial e Ergonomía e Psicosocioloxía Aplicada) ou equivalente. Certificado de perfeccionamento en lingua galega ou Celga 4.

Inclúense as seguintes prazas funcionariais de acceso por promoción interna vertical:

– Dúas (2) prazas de administrativo de Administración xeral, subgrupo C1, escala de Administración xeral, subescala administrativa. Concurso-oposición por promoción interna vertical. Título de bacharelato, técnico especialista en formación profesional ou equivalente ou coa titulación do subgrupo C2 (título de graduado en educación secundaria obrigatoria ou equivalente) pero cunha antigüidade de 10 anos na escala de procedencia ou 5 anos se contan con cursos de formación específica sobre xestións e técnicas e organización do traballo administrativo ou réxime administrativo impartidos por esta Deputación, conforme o disposto no artigo 61 da Lei 42/1994. Certificado de perfeccionamento en lingua galega ou Celga 4.

B) Cadro laboral.

Inclúense as seguintes prazas de persoal laboral fixo por promoción interna vertical:

– Dúas (2) prazas de auxiliar de servizos, asimiladas ao subgrupo C2. Concurso-oposición por promoción interna vertical. Título de graduado en educación secundaria obrigatoria ou equivalente. Certificado de iniciación á lingua galega ou Celga 3.

– Dúas (2) prazas de condutores especialistas de explotacións agropecuarias, asimiladas ao subgrupo C2. Concurso-oposición por promoción interna vertical. Título de graduado en educación secundaria obrigatoria ou equivalente, permiso de circulación clase «CE», e certificado de aptitude profesional. Certificado de iniciación á lingua galega ou Celga 3.

– Unha (1) praza de capataz de zonas verdes e limpeza viaria, asimilada ao subgrupo C2. Concurso-oposición por promoción interna vertical. Título de graduado en educación secundaria obrigatoria ou equivalente. Certificado de iniciación á lingua galega ou Celga 3.

As solicitudes presentaranse no Rexistro xeral da Deputación durante o prazo dos 20 días naturais seguintes ao da publicación do anuncio da convocatoria no BOE, en modelo oficial que se facilitará nas oficinas da Deputación e na páxina web da Deputación Provincial. Así mesmo, poderán presentarse na forma que determina o artigo 16 da Lei 39/2015.

No mesmo prazo xustificarase o aboamento dos dereitos de exame, polos seguintes importes, acompañando á solicitude o correspondente xustificante: para as prazas do grupo A1 ou asimiladas: 18,03 euros, para as prazas do grupo A2 ou asimiladas: 13,52 euros, para as prazas do grupo C1 ou asimiladas: 7,51 euros e para as prazas do grupo C2 ou asimiladas: 6,01 euros.

A Deputación facilitará copia das bases e modelo oficial de solicitudes nas oficinas do Rexistro Xeral, rúa Progreso, 32 (Ourense) e tamén desde a páxina web www.depourense.es

Os sucesivos anuncios relativos a esta convocatoria publicaranse exclusivamente no taboleiro provincial de edictos en todo caso, na páxina web www.depourense.es, e no BOP de Ourense cando proceda de conformidade coas bases das probas selectivas.

Publícase isto de conformidade co disposto no artigo 233.3 da Lei 5/1997, de Administración local de Galicia.