BOPPO PONTEVEDRA 05/12/2016

BOPPO PONTEVEDRA 

05/12/2016

CONCELLO DE VIGO

MODIFICACIÓN BASES ESPECÍFICAS POLICÍA LOCAL (OEP 2010-2011)

Anuncio do acordo relativo á rectificación das bases específicas da convocatoria de prazas de policía local

A Xunta de Goberno Local, en sesión ordinaria do día 18 de novembro de 2016, adoptou acordo relativo á modificación das Bases Reitoras Específicas da convocatoria correspondente a vinte e tres prazas de policía local (dezaoito pola quenda libre e cinco por mobilidade horizontal), publicadas no BOP nº 240 de 18 de decembro de 2013 e no DOG nº 245, do 24 de decembro, así como a modificación das mesmas no BOP nº 128, de 7 de xullo de 2015, no DOG nº 182, de 23 de setembro de 2015 e no BOP nº 211 de 4 de novembro de 2016 e no DOG nº 213 de 9 de novembro de 2016, incluídas na Oferta de Emprego Público correspondente aos anos 2010-2011:

“Primeiro.—Proceder á rectificación do apartado b) da Base IV.1 -Condicións dos e das aspirantes-, das bases específicas reitoras da convocatoria para a cobertura de 23 prazas de policía, 18 delas pola quenda libre e 5 por concurso pola quenda de mobilidade horizontal para o acceso dende outros corpos da policía local da CCAA de Galicia, quedando eliminado de conformidade coa Lei 9/2016, so 8 de xullo, pola que se modifica a Lei 4/2007, do 20 de abril, de coordinación de policías locais de Galicia.

Segundo.—Proceder, de conformidade co artigo 109.2 da Lei 39/2015, de 1 de outubro, de Procedemento Administrativo Común das Administracións Públicas, á corrección do erro material do apartado i) da Base IV.1 -Condicións dos e das aspirantes-, das bases específicas reitoras da convocatoria para a cobertura de 23 prazas de policía, 18 delas pola quenda libre e 5 por concurso pola quenda de mobilidade horizontal para o acceso dende outros corpos da policía local da CCAA de Galicia, que pasa a contar coa seguinte redacción: “Os aspirantes ás prazas de Policía Local definitivamente admitidos deberán presentar perante o Órgano de Selección, na data de realización do terceiro exercicio (probas físicas), certificado médico expedido en impreso oficial e asinado por colexiado en exercicio e, que non superará un máximo de tres meses dende a súa expedición, ao obxecto de acreditar a aptitude física, e no que se faga constar expresamente que o/a aspirante reúne as aptitudes psicofísicas (condicións físicas e sanitarias) necesarias e suficientes para a realización dos exercicios físicos que figuran especificados na correspondente proba da oposición, o que non excluirá as comprobacións posteriores do que se reflicte no certificado médico. Non se admitirán certificados que non se axusten na súa redacción a estes conceptos (ANEXO IV das Bases). A non presentación do referido certificado suporá a exclusión do aspirante do proceso selectivo.”

Terceiro.—Proceder, de conformidade co artigo 109.2 da Lei 39/2015, de 1 de outubro, de Procedemento Administrativo Común das Administracións Públicas, á rectificación do apartado k) da Base IV.1 -Condicións dos e das aspirantes-, das bases específicas reitoras da convocatoria para a cobertura de 23 prazas de policía, 18 delas pola quenda libre e 5 por concurso pola quenda de mobilidade horizontal para o acceso dende outros corpos da policía local da CCAA de Galicia, que pasa a contar coa seguinte redacción: “Aqueles aspirantes que se presenten pola quenda de mobilidade horizontal deberán acreditar que posúen unha categoría igual á da convocatoria (policía) como funcionarios de carreira noutros corpos de policía local da Comunidade Autónoma de Galicia así como unha antigüidade mínima de 3 anos na dita categoría. Tales requisitos acreditaranse mediante certificación expedida pola entidade ou entidades nas que o aspirante prestase os seus servizos”.

Cuarto.—Acordar que as referidas rectificacións se publiquen no Boletín Oficial da Provincia, no Diario Oficial de Galicia e e no Taboleiro de Editos da Casa do Concello, sen prexuízo da publicación do seu anuncio nos diarios e boletíns oficiais en que proceda, na prensa local e na páxina web municipal www.vigo.org”.

Contra o presente acordo poderase interpoñer recurso potestativo de reposición no prazo de 1 mes a contar dende o día seguinte ao da súa notificación ou publicación, ou ben recurso contencioso-administrativo perante o Xulgado do Contencioso-Administrativo de Vigo, no prazo de 2 meses dende o día seguinte ao da notificación ou publicación do acto administrativo firme, nos supostos, termos e condicións do previsto nos artigos 8, 25 e 46 da Lei 29/1998, do 13 de xullo, Reguladora da Xurisdición Contencioso-Administrativa.

CONCELLO DE BARRO

APROBACIÓN INICIAL DO ORZAMENTO DO CONCELLO DE BARRO PARA O 2017. EDICTO

Aprobación inicial do orzamento para o exercicio do 2017

O Pleno do Concello de Barro en sesión ordinaria que tivo lugar o 29 de novembro de 2016, aprobou inicialmente o orzamento xeral para o exercicio económico do 2017, o cadro de persoal e a relación de postos de traballo para o citado exercicio.

Segundo dispón o artigo 169 do Rdl. 2/2004, de 5 de marzo, polo que se aproba o Texto Refundido da Lei Reguladora das facendas locais, exponse ó público na Secretaría do Concello polo prazo de 15 días hábiles, contados desde o seguinte ó da súa inserción no Boletín Oficial da Provincia.

As persoas interesadas poderán examina-lo e presetar reclamacións perante o Pleno, no prazo citado.

CONCELLO DE REDONDELA

LISTA DEFINITIVA PERSOAS ADMITIDAS PROCESOS SELECTIVOS PRAZAS OF. CARPINTEIRO, OF. MEDIO AMBIENTE E OPERARIO DE LIMPEZA-OFERTA 2013

Por Resolución do alcalde, con data de 22/11/2016 aprobouse a relación definitiva das persoas admitidas e excluídas para cubrir prazas vacantes de persoal funcionario e laboral fixo do Concello de Redondela, incluídas na oferta de emprego público de 2013, na cal se establece o seguinte:

RESOLUCIÓN

O Alcalde ditou a resolución núm. 2016-1508, con data de 13/07/2016, pola que aprobaba a lista provisional de persoas admitidas e excluídas na convocatoria para cubrir prazas vacantes de persoal funcionario e laboral do Concello de Redondela e incluídas na oferta de emprego público de 2013, que se publicou no Boletín Oficial da Provincia de Pontevedra (BOP) núm. 141, do 26/07/2016.

O día 6 de agosto de 2016 finalizou o prazo para poder emendar, no seu caso, os defectos que motivasen a exclusión ou para subsanar outra documentación non excluínte.

Tras non presentarse reclamacións no periodo de alegacións, é polo que, de conformidade coas bases da convocatoria que se aprobaron o 20/04/2016 e que foron publicadas no BOP núm. 77, de 22/04/2016, na páxina web e no taboleiro de anuncios do Concello e de acordo coas competencias que me asigna a lexislación local vixente,

CONCELLO DE TUI

PUBLICACIÓN DA CONFIGURACIÓN DE PRAZA TÉCNICO DE XESTIÓN EDICTO

O Concello Pleno, en sesión ordinaria celebrada o día 27 de outubro de 2016, estimou o recurso de reposición por Don Jose Angel Fernandez Rodriguez, no senso de manter a configuración inicial do posto segundo a Relación de Postos de Traballo do ano 2008; deixando sen efecto a modificación efectuada por acordo plenario de 25/02/2016.

De conformidade co artigo 202 da Lei 2/2015, de Emprego Público de Galicia, por medio do presente anuncio, procédese á publicación da configuración definitiva da posto de Técnico de Xestión.

PERSOAL FUNCIONARIO:

CONCELLO DE VALGA

BASES POLAS QUE SE REXE A CONVOCATORIA PÚBLICA PARA A PROVISIÓN CON CARÁCTER INTERINO DUN POSTO DE SECRETARIO/A DO CONCELLO DE VALGA

1ª.—OBXECTO DA CONVOCATORIA

O obxecto do proceso selectivo será a cobertura, por persoal interino por concurso de méritos, do posto de Secretaría desta Corporación reservado a funcionarios/as da subescala de Secretaría, Grupo A1.

Ao presente proceso selectivo seralle aplicable o Real Decreto Lexislativo 5/2015, de 30 de octubre, polo que se aproba o texto refundido da Lei do Estatuto Básico do Empregado Público, o Real Decreto 1732/1994, do 29 de xullo, sobre provisión de postos reservados a funcionarios da administración local con habilitación de carácter nacional e demais normas concordantes, así como o disposto nesta convocatoria.