BOPPO
PONTEVEDRA
28/07/2017
CONCELLO DE MARÍN
APROBACIÓN DEFINITIVA DA
RELACIÓN DE POSTOS DE TRABALLO DO CONCELLO DE MARÍN
O Pleno do Concello de Marín, en sesión ordinaria
celebrada o 12 de xullo de 2017, adoptou acordo de aprobación definitiva da
Relación de Postos de Traballo do Concello de Marín, que en extracto di:
Primeiro.—Resolver, nos termos que figuran no
devandito acordo plenario, as alegacións plantexadas ao texto da RPT
inicialmente aprobado.
Segundo.—Á vista do informe de EOSA , en aplicación
do principio de igualdade, extender a modificación do factor responsabilidade
de G2 a G3 aos postos de capataces/ encargados sempre que, coordinen equipos de
traballo pertencentes ao grupos profesionais baixos (obras, augas, xardíns,
electricidade, limpeza e cemiterio) pasando todos eles a obter G3=23 puntos no
factor responsabilidade. Á vista do informe de EOSA , en aplicación do
principio de igualdade, extender a modificación do factor de dificultade
técnica do G3 ao G4 asinándolle 12 puntos ao resto dos postos técnicos do
servizo de urbanismo (Enxeñeiro técnico e Enxeñeiro técnico de obras públicas)
ao abeiro do contido funcional descrito na súa ficha de posto de traballo.
Terceiro.—Resolver a discrepancia posta de manifesto
polo sr. Interventor no seu informe de 27 de marzo de 2017.
Cuarto.—Aprobar definitivamente a relación de Postos
de Traballo do Concello de Marín co texto resultante das modificacións
derivadas das alegacións estimadas e das modificación introducidas en aplicación
do principio de igualdade.
Quinto.—Acordar, en relación coa valoración económica
resultante do estudo de EOSA, o diferimento da súa íntegra aplicación, de forma
que se proceda a consolidación do importe asignado a 2016 que alcanza o 25%
(111.198,10€) e a dotación para o exercizo 2017 dun 15% (66.718,86 €)
adicional.
En consecuencia, o incremento a considerar en 2017
ascenderá ao 40% (177.916,16 €) da valoración económica do estudo presentado.
O resto do importe será obxecto de recoñecemento
atendendo ás dispoñibilidades económicas e ó cumprimento dos estándares de
eficiencia na xestión pública e criterios financeiros que se deduzan das
liquidacións orzamentarias posteriores.
Sexto.—Publicar a RPT do Concello de Marín no Boletín
Oficial da Provincia de Pontevedra e remitir copia da mesma a Administración do
Estado e a Comunidade Autónoma do Galicia.
Sétimo.—Notificar o acordo as persoas que formularon
alegacións a aprobación inicial da Relacion de Postos de traballo do Concello
de Marín.
De acordo co previsto no artigo 202.3 da Lei 2/2015
de Emprego Público de Galicia, procédese á publicación íntegra d a Relación de
Postos de Traballo aprobada:
CONCELLO DE MEAÑO
CONTA XERAL DO CONCELLO DE
MEAÑO CORRESPONDENTE AO EXERCICIO 2016
Informada favorablemente pola Comisión Especial de
Contas, en sesión de data 17 de xullo de 2017, a Conta Xeral do Concello de
Meaño correspondente ao exercicio económico 2016, exponse ao público mediante
edicto publicado no Boletín Oficial da Provincia de Pontevedra, na páxina web e
no Taboleiro de Edictos do Concello por un prazo de quince días hábiles
contados a partir do seguinte ao da publicación deste anuncio no Boletín
Oficial da Provincia de Pontevedra, durante os cales e oito máis os interesados
poderán presentar reclamacións, reparos ou observacións á mesma, ao abeiro do
artigo 212.3 do R.D.Lvo. 2/2004, do 5 de marzo, polo que se aproba o Texto
Refundido da Lei Reguladora das Facendas Locais.
CONCELLO DE VILAGARCÍA DE
AROUSA
BASES DA CONVOCATORIA DE AXUDAS
Á EDUCACIÓN INFANTIL PARA FAMILIAS CON ALUMNOS MATRICULADOS EN CENTROS SOSTIDOS
CON FONDOS PÚBLICOS E ESCOLAS INFANTÍS AUTORIZADAS DE VILAGARCÍA DE AROUSA,
CURSO 2017/2018 AXUDAS Á EDUCACIÓN INFANTIL, CURSO 2017-2018
EXPOSICIÓN DE MOTIVOS
A educación infantil, como etapa educativa que
comprende a educación dos nenos e nenas dende os tres meses de idade ata os 6
anos, contribúe ao desenvolvemento psicosocial e físico das persoas,
constituíndose como un espazo de socialización e afectividade fundamental no
crecemento do/a neno/a e da súa autonomía.
O desenvolvemento das capacidades afectivas, a
exploración do medio natural e social, o coñecemento das diferentes linguaxes e
forma de expresión, o movemento e ritmo, a motricidade e a aprendizaxe
relacional e de convivencia, o inicio na lecto-escritura e habilidades
lóxico-matemáticas… constitúen contidos e obxectivos básicos da educación
infantil. Neste senso, a escolarización dos nenos e nenas nesta etapa, non
obrigatoria pero sí universalizada, é fonte fundamental do proceso de ensinanza
e aprendizaxe futuro.´
Por outra banda, o borrador da Estratexia Galega para
a Infancia e Adolescencia 2016-2020 sinala, entre os seus principios en
relación á persoa menor de idade, “asegurar o respecto completo e efectivo de
todos os seus dereitos, así como o seu desenvolvemento integral”, incidindo en
medidas enfocadas a procurar o benestar físico, psíquico e emocional.
A escolarización dos/as menores nesta etapa infantil
permite cumprir con este principio e garante que dende os primeiros meses de
vida a prevención e a detección precoz de factores de risco que poidan
comprometer o seu desenvolvemento integral; unha educación que asegure as súas
potencialidades, cun modelo educativo inclusivo e de igualdade de
oportunidades.
Neste contexto, co obxecto de axudar ás familias máis desfavorecidas
economicamente a facer fronte ós gastos derivados da escolarización non
obrigatoria dos seus fillos, que é a Educación Infantil pero que supón para os
rapaces un avance no seu aprendizaxe e no seu proceso de socialización, e tendo
en conta que os programas de axudas para libros xa están implantados en toda a
Ensinanza Primaria e Secundaria Obrigatoria, proponse á Xunta de Goberno
aprobar a convocatoria de axudas á Educación Infantil, para as súas dúas etapas
(0-3 anos e 3-6 anos), dos Centros de Ensino sostidos con fondos públicos e
Escolas Infantís debidamente autorizadas de Vilagarcía de Arousa, de acordo
coas seguintes
No hay comentarios:
Publicar un comentario